गोठमा आगलागी हुँदा एक जनाको ज्यान गयो

असोज २७-बाग्लुङ,  बाग्लुङको गलकोट नगरपालिका–४ नुवाकोटमा गोठमा आगलागी हुँदा एक जनाको ज्यान गएको छ ।

गएराति गोठमा आगलागी भएको र एक जनाको शव भेटिएको इलाका प्रहरी कार्यालय गलकोटले जनाएको छ । शवको पहिचान हुन सकेको छैन ।

स्थानीय रामबहादुर मल्लको गोठमा आगलागी भएको हो । गोठपूर्ण रुपमा जलेको छ । घटनाबारे थप अनुसन्धान भइरहेको गलकोट प्रहरीले जनाएको छ ।