सञ्जालहब
२२ साउन- सुर्खेत, वीरेन्द्रनगरमा दिउँसै घरमा पसेर सुनका गरगहना र नगद चोरी गर्ने एक युवक पक्राउ परेका छन।
वीरेन्द्रनगर–४, नयाँबजारस्थित एक घरबाट करिब २।५ तोला सुन र ५० हजार नगद चोरी भएको थियो। चोरी साउन २१ गते भएको थियो । उक्त चोरीमा वीरेन्द्रनगर–६ का १८ वर्षीय अर्जुन गहतराजलाई प्रहरीले पक्राउ गरेको हो।
उनको साथबाट चोरी भएका सुनको ब्रासलेट, औंठी र सिक्री लगायतका गरगहना बरामद गरिएको छ। हाल उनलाई हिरासतमा राखी चोरी मुद्दामा थप अनुसन्धान भइरहेको जिल्ला प्रहरी कार्यालय सुर्खेतले जनाएको छ।
प्रतिक्रिया दिनुहोस्