सञ्जालहब
५ मंसिर -सुनसरी, मोटरसाइकलमा गाजा तस्करी गर्ने युवक पक्राउ परेका छन् ।उनले भारतीय नम्बर प्लेटको मोटरसाइकलमा प्रयोगगरेर गाजा तस्करी गरेका थिए । इलाका प्रहरी कार्यालय महेन्द्रनगरको टोलीले लागुऔषध गाँजा तस्करीमा संलग्न एक युवकलाई बिहीबार राती नियन्त्रणमा लिएको छ।
सुनसरीको बराहक्षेत्र नगरपालिका–३ नडाहा चौक नजिकै गस्तीमा खटिएको प्रहरी टोलीले चेकजाँचगर्ने क्रममा ठूलो परिमाणमा गाँजा बरामद गरेको प्रहरीले बताएको छ।
धरानबाट नडाहा आउँदै गरेको भारतीय नम्बर प्लेटको बिआर ११ बिएफ ०१८९ को मोटरसाइकललाई शंका लागि रोकेर चेकजाँच गरेको थियो। चेकजाँचका क्रममा मोटरसाइकलको पछाडितिर राखिएको दुईवटा प्लास्टिकका बोरा खोजतलास गर्दा करिब ४० केजी बराबरको लागुऔषध गाँजा फेला परेको प्रहरीले जनाएको छ।
उक्त मोटरसाइकल चालक जिल्ला सप्तरी, राजविराज नगरपालिका–२ का १८ वर्षीय लालदेव रजकरहेका थिए। गाँजासहित पक्राउ परेका रजकलाई आवश्यक अनुसन्धानका लागि प्रहरी नडाहामा राखिएको छ । प्रहरीले मोटरसाइकल र बरामद गरिएको गाँजा समेत नियन्त्रणमा लिएर आवश्यक कानुनी प्रक्रिया अघि बढाइरहेको जनाएको छ।
प्रतिक्रिया दिनुहोस्