१५ भदौ – रूकुम पश्चिम, बाख्रा चराउन गएकी एक वृद्धाको सुख्खा पहिरोमा परेर ज्यान गएको छ।
सुख्खा पहिरोले पुर्दा मुसीकोट नगरपालिका वडा नम्बर १ तलिगाउँकी ६९ वर्षीया हिमकुमारी मल्लको मृत्यु भएको हो।
उनि बाख्रा चराउन गएको बेला माथिबाट झरेको सुख्खा पहिरोमा परी मृत्यु भएको हो। आइतबार दिउँसो साढे १२ बजेतिर मल्ललाई पहिरोले पुरेको र केही बेरअघि मात्रै शव निकालिएको प्रहरीले जानकारी दिएको छ। पहिरोमा परी एउटा बाख्रा र एउटा भेडा पनि मरेका छन्।
शव पोष्टमर्टमका लागि अस्पताल लगिएको छ।
प्रतिक्रिया दिनुहोस्