सञ्जालहब
१२ भदौ- मुगु, बुधबार बिहान ११ बजे घरमै सुत्केरी भएकी महिलाको उपचारका क्रममा जिल्ला अस्पतालमा मृत्यु भएको छ। सोरु गाउँपालिका-८ रुमा गाउँकी ३४ वर्षीया सुनिता बुढाको उपचारका क्रममा मृत्यु भएको हो ।
घरमै सुत्केरी भएकी सुनिताले छोरा जन्माएकी थिइन्। बुढाको सालनाल नझरेपछि उनलाई उपचारका लागि घरबाट एक घण्टा टाढा रहेको सीप प्रसूति केन्द्रमा पुर्याइएको थियो। अत्यधिक रक्तस्राप हुन थालेपछि थप उपचारका लागि प्रसूति केन्द्रले जिल्ला अस्पताल लैजान सल्लाह दिएपछि घर परिवारले राति १० बजे जिल्ला अस्पतालमा पुर्याएका थिए। अस्पतालमा पुगेका बुढालाई डाक्टरहरूले चेक जाँच गर्दा अत्यधिक रक्तश्रापका कारण उनका शरीरमा न्यून रगत देखिएको बताएका थिए। बुढालाई तत्काल आवश्यक रगत चढाउनु पर्ने थियो।
जिल्ला अस्पतालमा बल्ड बैंक नहुँदा तत्काल रगत उपलब्ध गराउन सकिएको थिएन। पछि सदरमुकाम गमगढीका युवाहरूले रगत दिएका थिए। रगत चढाएपछि होस आएको भए पनि थप उपचारका लागि सुविधासम्पन्न अस्पतालमा लैजाने तयारी गर्दा गर्दै उनको मृत्यु भएको हो।
उनको उपचारका क्रममा बिहीबार ३ बजे मृत्यु भएको हो।
प्रतिक्रिया दिनुहोस्