सञ्जालहब
१ भदौ- काठमाडौं, गोङ्गबुको एउटा गेस्ट हाउसमा श्रीमतीको हत्या गरेर भागेका युवकलाई प्रहरीले पर्साबाट पक्राउ गरेको छ ।
काभ्रेको भुम्लु घर भएका सन्तोष सेन्चुरीलाई प्रहरीले पक्राउ गरेको हो। काठमाडौं उपत्यका अपराध अनुसन्धान कार्यालयबाट खटिएको टोलीले उनलाई पर्साबाट पक्राउ गरेर काठमाडौं ल्याएको छ ।
सेन्चुरीले साउन २७ मा गोङ्गबुको कञ्चन कोशी होटल एन्ड लजमा लगेर २७ वर्षीया पत्नी ललिता विकको हत्या गरेका थिए ।
बुढानीलकण्ठ नगरपालिका–२ मा बस्दै आएका उनले पत्नीलाई गेस्ट हाउसमा लगेर घाँटी थिचेर हत्या गरेपछि पलङमुनि लुकाएर हिँडेका थिए । घटना लुकाउन उनैले साउन २८ मा प्रहरी वृत्त महाराजगन्जमा श्रीमती हराएको भन्दै निवेदन दिएका थिए । तर, साउन ३० गते राति गेस्ट हाउसमा पत्नीको शव प्रहरीले भेटेको सूचना पाएपछि उनी भागेर पर्सा पुगेका थिए ।
प्रतिक्रिया दिनुहोस्