१४ जेठ – काठमाडौं, राष्ट्रिय प्रजातन्त्र पार्टी (राप्रपा) का सांसदहरुले पाउँदै आएको पिएसओ (निजी सुरक्षा अधिकृत) सुविधा सरकारले फिर्ता गरेको छ ।
राजा फर्काउने आन्दोलनमा कारण उक्त पार्टीका प्रमुख सचेतक र संसदीय समितिका सभापतिको पिएसओ हटाएको बताइएको छ । प्रमुख सचेतक ज्ञानबहादुर शाहीका अनुशार राप्रपाका सांसदहरुले पाइरहेको उक्त सुविधा सरकारले खोसेको बताए ।
शाहीका अनुसार उनीसहित पूर्वमन्त्री ध्रुवबहादुर प्रधान र दीपकबहादुर सिंहको सुरक्षाका लागि एक-एक जना सशस्त्र प्रहरीका जवान खटिँदै आएका थिए । तीन-चार दिनदेखि ती सुरक्षाकर्मी हटाइएको छ ।
सशस्त्र मुख्यालय स्रोतले भने पिएसओ हेरफेर मात्र गर्न लागेको बताएको छ । ज्ञानबहादुरहरुको पिएसओ फिर्ता बोलाएको स्वीकार गर्दै स्रोतले भन्यो, ‘हेरफेरको समय भएको छ, अहिलेसम्म खटिंदै आएकालाई दुई चार दिनअघि बोलाएका हौँ, अब नयाँलाई पठाउँछौँ, यो सामान्य प्रक्रिया हो ।’
प्रतिक्रिया दिनुहोस्
प्रतिक्रियाहरू लोड हुँदैछन्…