भारतको बिहारमा रेल दुर्घटना, चार जनाको मृत्यु

असोज २५-भारतको बिहारको बक्सरमा एउटा ठूलो रेल दुर्घटना भएको छ, जहाँ बक्सर र आरा बीचको रघुनाथपुरमा नर्थ ईस्ट एक्सप्रेस ट्रेन नम्बर १२५०६० को केही बोगी पटरीबाट खसेका छन्।

दुर्घटना बुधबार राति करिब ९ः३० बजे भएको थियो । यस दुर्घटनामा हालसम्म ४ जनाको मृत्यु भएको छ भने ७० जना भन्दा बढी घाइते भएका छन् । रेलमा यात्रा गरिरहेका केही यात्रुले आफ्नो भोगाइलाई सुनाएका छन् । मोहम्मद नासिर नाम गरेका यात्रुले भने  ‘हामी दुई जना थियौं । बी७ बोगीमा थिएेउ। हामी सुतिरहेका थियौं। घटना कसरी भयो भन्ने थाहा हुन सकेको छैन । खाना खाएर सुत्न गए । अचानक गाडी पल्टियो ।