सञ्जालहब
९ चैत -काठमाडौं, अमेरिकामा अवतरणको क्रममा रहेका जहाज र दमकल ठोक्किएको छ ।
आइतबार राति अवतरणका क्रममा यात्रुवाहक विमान र दमकल गाडी ठोक्किँदा पाइलट र को–पाइलटको मृत्यु भएको छ भने दर्जनौं यात्रु घाइते भएका हुन् ।
एयर क्यानडाको विमानले अवतरण गर्ने क्रममा विमानस्थलको रनवेमा रहेको उद्धार तथा अग्निनियन्त्रण सवारीसँग ठोक्किएको थियो । विमानमा ७२ यात्रु र ४ जना चालक दलका सदस्य रहेका थिए।
विमानको अगाडिको भागमा गम्भीर क्षति पुगेको छ ।
दुर्घटनालगत्तै आपतकालीन उद्धार प्रोटोकलहरू सक्रिय पारिएको थियो । पोर्ट अथोरिटीले विज्ञप्तिमार्फत उद्धार र विस्तृत अनुसन्धानका लागि विमानस्थल बन्द गरिएको जनाएको छ ।
प्रतिक्रिया दिनुहोस्