अटो दुर्घटनामा १ जना भारतिय नागरिकको मृत्यु, ११ जना घाइते

१० भदौ-कावासोती, १२ यात्रु बोकेको अटो दुर्घटना हुँदा १ जना भारतिय नागरिकको मृत्यु भएको छ भने ११ जना घाइते भएका छ्न । घटना देवचुलीको टोक्रे खोला पुल नजिक भएको हो ।

सामान बोक्ने अटो लु १ स ९०९४ नं.को लोड्दा चालकले नियन्त्रण गुमाउँन पुगेपछि सडकबाट तल खसेको थियो । दुर्घटनामा भारत मोतिहारी बस्ने ३५ वर्षीय रिजवान खानको मृत्यु भएको जिल्ला प्रहरी कार्यालय नवलपुरले जनाएको छ । खानको पुरानो मेडिकल कलेज भरतपुरमा उपचारको क्रममा मृत्यु भएको हो ।

यसै दुर्घटनामा परेर अन्य ११ जना घाइते भएका छ्न । घाइतेहरु सबै भारतिय नागरिक रहेको नवलपुर प्रहरीले जनाएको छ ।

दुर्घटनामा परेर सवना खातुन, रजिया खातुन, मोहम्मद रजा, मेहेक इस्तियाक,इस्तियाक आलम, मौजमा इमाम, जोया इस्तियाक, निजामुदिन हुसेन, सावा खातुन, उमर रजा, कुलसुम वान घाइते भएका हुन । घाइतेहरुको पुरानो मेडिकल कलेज भरतपुरमा उपचार भैरहेको छ ।

मृतक र घाईते भारतिय नागरिक कुन प्रयोजनका लागि आएका थिए भन्ने प्रहरीले खुलाएको छैन । वैवाहिक समारोहमा आएका बेला खाली समयमा घुम्न गएका बेला दुर्घटना परेको भन्ने प्रारम्भिक अनुसन्धानबाट खुल्न आएको भए पनि थप अनुसन्धान भैरहेको जिल्ला प्रहरी कार्यालय नवलपुरले जानकारी दिएको छ ।