मोटरसाइकल चोरीको आरोपमा तीन जना पक्राउ

३ मंसिर- काठमाडौं, मोटरसाइकल चोरीमा संलग्न तीन जना पक्राउ परेका छन।

मंगलबार काठमाडौंको तारकेश्वर नगरपालिका-४, पुरानो गुह्येश्वरीबाट चोरीको मोटरसाइकलसहित एक जना पक्राउ परेका छन्। मकवानपुरको मनहरी गाउँपालिका-७ बस्ने २० वर्षीय प्रशान्त खत्री पक्राउ परेका हुन्। उनले बागमती प्रदेश-०२-०४० प ०५१० नम्बरको मोटरसाइकलको नम्बर प्लेट परिवर्तन गरी बागमती प्रदेश-०२-०४२ प ६२६३ बनाएर चलाइरहेका थिए।

उक्त मोटरसाइकल काठमाडौंको बसुन्धारा बस्ने बाराका मोहम्मद आमिर अन्सारीको रहेको र हराएको भनी निवेदन परेपछि खोजतलासका क्रममा भेटिएको हो।खत्रीलाई थप अनुसन्धानका लागि प्रहरी वृत्त महाराजगञ्ज पठाइएको काठमाडौं उपत्यका ट्राफिक प्रहरी कार्यालयले जानकारी दिएको छ।

यसैगरी, सोमबार ९मङ्सिर १ गते० कीर्तिपुर नगरपालिका-१० बाट मोटरसाइकल चोरी गर्दै गर्दा रङ्गेहात दुई जना पक्राउ परेका छन्।पार्किङ स्थलबाट बागमती प्रदेश-०२-०६२ प ०६३६ नम्बरको पल्सर मोटरसाइकल चोरी गर्दै गर्दा मकवानपुरको मनहरी गाउँपालिका-२ का २७ वर्षीय समिर रुम्बा र हेटौँडा उपमहानगरपालिका-२२ का २७ वर्षीय निमा रुम्बा पक्राउ परेका हुन्।