कैलाली, टीकापुर नगरपालिका-१ ब्लक नम्बर १४ बाट अवैध लागूऔषध खैरो हेरोइन जस्तो देखिने पदार्थ ४ सय ८० मिलिग्राम सहित सोही ठाउँ बस्ने २० वर्षीय रोहन साउदलाई शनिबार बेलुकी प्रहरीले पक्राउ गरेको छ । इलाका प्रहरी कार्यालय टीकापुरबाट खटिएको प्रहरीले उनलाई उक्त पदार्थ सहित पक्राउ गरेको हो ।
उदयपुर, कटारी नगरपालिका-३ भुगोल पार्कस्थित बाटोबाट नियन्त्रित लागूऔषध स्पास्मो १० ट्याब्लेट, टापेन्टाडोल १८ ट्याब्लेट र नगद १९ हजार ८ सय ९० रूपैयाँ सहित सोही ठाउँ बस्ने २५ वर्षीय रबिन खड्कालाई शनिबार साँझ प्रहरीले पक्राउ गरेको छ । इलाका प्रहरी कार्यालय कटारीबाट खटिएको प्रहरीले उनलाई उक्त लागूऔषध सहित पक्राउ गरेको हो ।
स्याङ्जा, गल्याङ नगरपालिका-१ राम्दिबाट नियन्त्रित लागूऔषध डाईजेपाम ४५ एम्पुल, नोर्फिन ४५ एम्पुल र फेनारगन ४५ एम्पुल सहित बाग्लुङ काठेखोला गाउँपालिका-४ जिउँ बस्ने २२ वर्षीय राजु गन्धर्बलाई गए राति प्रहरीले पक्राउ गरेको छ । अस्थायी प्रहरी पोष्ट राम्दिबाट खटिएको प्रहरीले बुटवलदेखि पोखरातर्फ आउँदै गरेको म.प्र ०३-००१ ख ८३५९ नम्बरको बसमा सवार उनलाई उक्त लागूऔषध सहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस्