सञ्जालहब
१५ भदौ- भारत, लखनउको गुडम्बामा पटाखा कारखानामा विष्फोट हुँदा ७ जनाको मृत्यु भएको अनुमान गरिएको छ । घटना बिहान सबा एघार बजेतिर घटेको हो ।
विष्फोटमा परेर कारखानाका मालिक आलम र उनकी श्रीमती मुन्नीको घटनास्थलमै मृत्यु भएको छ । आलमका जेठा छोरा इमरान र छिमेकी नदीम गम्भीर घाइते भएका छन् । कारखानामा दशहरा तयारीका लागि पटखा बनाइँदै गर्दा दुई वटा ठुलो विस्फोट भएका थिए । विस्फोट आवाज आधा किलोमिटरसम्म सुनिएको थियो । आलमले आफ्नै घरमा बारुद राखेका थिए र त्यसबाट पटाका बनाउने गर्थे ।
विस्फोटका कारण आलमको सम्पूर्ण घर ध्वस्त भएको छ । केही मानिसहरू अझै पनि घरमा पुरिएको आशंका गरिएको छ । विस्फोटको जानकारी पाएपछि दमकल र प्रहरी घटनास्थल पुगेका थिए ।
विस्फोटका कारण नजिकैका घरहरूमा चिरा समेत परेका छन । प्रारम्भिक जानकारीअनुसार विस्फोटमा ७ जनाको मृत्यु भएको भनिएको थियो । तर यो संख्या पुष्टि भएको छैन ।
प्रतिक्रिया दिनुहोस्