सञ्जालहब
११ भदौ- पाकिस्तान, सामान्य विवाद र ३० रुपैयाका लागि झगडाहुँदा दाजुभाईको मृत्यु भएको छ । पाकिस्तानको एक भिडियो अहिले भाइरल भई रहेको छ जस्मा दुइ दाजुभाईको आपसि झगडापछि घाइते देखिन्छन । उल्टो टोपी लगाएको एक व्यक्तिले घाइते भाइलाई काखमा राखेका दाइको टाउकोमा क्रिकेट ब्याटले हानिरहेको भिडियोमा देखिन्छ।
यो घटनामा राशिद र वाजिद नामका दुई दाजुभाइको ज्यान गएको हो । प्रहरी र परिवारका अनुसार, यो हत्याको कारण केही मिनेटको बहस र मात्र ३० रुपैयाँ थियो। यो घटनामा फलफूल बिक्रेता ओवैस र तैमुर नामका दुई दाजुभाइलाई प्रहरीले पक्राउ गरेको छ।
‘मृतकका बुबा सईद इकबालले बीबीसीसँग रुँदै भने, ‘एक जनाले क्रिकेट ब्याटले हानिरह्यो, वरिपरि उभिएका मानिसहरूले मोबाइलले भिडियो बनाए तर कसैले रोक्न खोजेनन्। यो कस्तो समाज होरु भगवानले मेरा दुश्मनका छोराछोरीलाई पनि यस्तो दिन नदेखाऊन्।’
घटनाक्रम यस्तो थियोः
दूधको व्यापार गर्ने उनका छोराहरू काम सकेर घर फर्किँदै गर्दा फलफूल किन्न रोकिएका थिए। राशिद र वाजिद ओवैसको ठेलाबाट केरा किन्न रोकिएका थिए। ओवैसले एक दर्जन केराको १३० रुपैयाँ मागे। राशिदले आफूसँग १०० रुपैयाँको नोट र अरू ५००० का ठूला नोट मात्र भएको बताए। ओवैस १०० रुपैयाँमै केरा दिन राजी भयो। तर, नजिकै रहेको ओवैसको भाइ तैमुरलाई यो कुरा मन परेन र उसले गाली गर्न थाल्यो। राशिद र वाजिदले गाली नगर्न भनेपछि विवाद बढ्यो र कुटपिट सुरू भयो।
प्रहरीका अनुसार, ‘पसलेले ३० रुपैयाँ खुद्रा मागे, जुन उनीहरूसँग थिएन। खुद्रा नभएपछि पसलेले ३० रुपैयाँ बराबरको केरा फिर्ता मागे। यही विषयमा भनाभन सुरू भयो। सुरूमा दुई दाजुभाइले फलफूल बिक्रेतालाई कुटे। त्यसपछि, नजिकका अरू पसलेहरूले बिक्रेताका भाइहरूलाई बोलाए र सबै मिलेर राशिद र वाजिदमाथि आक्रमण गरे, जसकारण उनीहरूको मृत्यु भयो।
-एजेन्सी
प्रतिक्रिया दिनुहोस्