सञ्जालहब
५ भदौ- सुर्खेत, लोकसेवा आयोगको परीक्षाबाट नक्कली परीक्षार्थी पक्राउ परेका छन । परिक्षा जिल्ला प्रहरी कार्यालय सुर्खेतले चलिरहेको थियो ।
सुर्खेतको वीरेन्द्रनगर– ७, स्थित आयोगको सुर्खेत कार्यालयमा बुधबार बिहान ९ बजे चलिरहेको सञ्चार इन्जिनियर प्राविधिक प्रहरी जवानतर्फको लिखित परीक्षामा चार नक्कली परीक्षार्थीलाई प्रहरीले पक्राउ गरेको हो ।
जिल्ला प्रहरी कार्यालय सुर्खेतका अनुसार पक्राउ पर्नेहरू अन्य व्यक्तिको नाममा फोटो परिवर्तन गरी उनिहरुको सट्टामा परीक्षा दिन प्रवेश गरेका थिए । जिल्ला प्रहरी कार्यालय सुर्खेतबाट खटिएको टोलीले उनीहरूलाई रङ्गेहात नियन्त्रणमा लिई लिखत तथा किर्ते कसुरमा अनुसन्धान भइरहेको बताएको छ।
पक्राउ पर्नेहरूमा जाजरकोटको छेडागाड नगरपालिका– १२, का धर्मराज चुनराको सट्टामा परीक्षा दिन आएका कुशे गाउँपालिका– ७, सामाकोटका श्यामशंकर सिंह, दैलेख, भगवतीमाई गाउँपालिका– ५, का सुशील शाहीको सट्टामा परीक्षा दिन आएका भगवतीमाई गाउँपालिका वडा नं। ७ का भरत तिरुवा रहेका छन् ।
पक्राउ परेका अन्य दुईमाथि अनुसन्धान जारी रहेकाले प्रहरीले उनीहरुको विवरण गोप्य राखेको छ ।
प्रतिक्रिया दिनुहोस्