गुन्डा नाइके भनेर चिनिने चक्रे मिलनसहित सबैलाई धरौटीमा रिहा गर्न आदेश

२८ साउन -काठमाडौं, गुन्डा नाइके भनेर चिनिने चक्रे मिलन (मिलन गुरुङ) लाई काठमाडौँ जिल्ला अदालतले ३० हजार धरौटीमा रिहा गर्न आदेश दिएको छ ।

काठमाडौँ जिल्ला अदालतका न्यायाधीश खिमानन्द भुसालको इजलाशले चक्रे मिलनलाई ३० हजार धरौटीमा छाड्न आदेश गरेका हो ।

साम्बाला होटलबाट गुन्डागर्दी गरेको आरोपमा साउन १५ मा चक्रे समूहका १९ जना पक्राउ परेका थिए । उनीहरुविरुद्ध सरकारी वकिलले अभद्र व्यवहारको मुद्दा दायर गरेको थियो ।

थुनछेक बहसपछि अदालतले उनिहरु सबैलाई धरौटीमा रिहा गर्न आदेश गरेको हो ।