कश्मीर पहिरोमा ७ जनाको मृत्यु, अन्य ६ जना घाइते

२६ साउन- पाकिस्तान, कश्मीरको गिलगित क्षेत्रमा आइतबार राति बाल्टिस्तानको दान्योर नाला क्षेत्रमा पहिरेमा परेर कम्तीमा सात जनाको मृत्यु भएको छ ।

अन्तर्राष्ट्रिय सञ्चार माध्यमका अनुसार पहिरोमा परेर अन्य ६ जना समेत घाइते भएका छन् । पहिरोमा परेका मानिसहरू क्षतिग्रस्त नहर मर्मत गर्ने काममा गरि रहेका थिए ।

उक्त पहिरोमा अझै धेरै मानिसहरू फसेको हुन सक्ने आशङ्का गरिएको छ । पाकिस्तानी मिडियाका अनुसार बाढीले सुरक्षा पर्खाल ध्वस्त बनाएका छन् । खेतहरू बाढीको पानीले भरिएका छन् भने ५० भन्दा बढी घरहरू खतरामा परेका छन ।