सञ्जालहब
२३ साउन- काठमाडौं, सिरहाको कल्याणपुर नगरपालिकाका मेयर रामपुकार साह तेलीविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगले सेवाग्राहीसँग एक लाख रुपैयाँ घुस लिएको पुष्टि भएको दाबीसहित शुक्रबार विशेष अदालत काठमाडौंमा मुद्दा दायर गरेको हो ।
उनले वडा नम्बर ६ मा नाला निर्माण योजनाको कार्य सम्पन्न भई भुक्तानी गर्ने क्रममा सेवाग्राहीसँग बिचौलियामार्फत घुस मागेको उजुरी परेपछि अख्तियारले उनीमाथि निगरानी बढाएको थियो । त्यसपछि अख्तियारको बर्दिवासस्थित कार्यालयबाट खटिएको टोलीले मेयर साहलाई सेवाग्राहीबाट एक लाख रुपैयाँ घुस लिइसकेको अवस्थामा रकमसहित नियन्त्रणमा लिएको थियो ।
उनि बिरुद्ध दायर गरिएको मुद्दामा साहसँग एक लाख रुपैयाँ बिगो मागदाबी गरिएको छ ।
प्रतिक्रिया दिनुहोस्