भारतीय ३ जना नागरिक नेपालमा पेस्तोल सहित पक्राउ

२२ साउन- सिरहा, भारतीय नागरिकलाई प्रहरीले पेस्तोल सहित ३ जनालाई पक्राउ गरेको छ । सिरहाको नरहा गाउँपालिका–३ बाट उनिहरुलाई पक्राउ गरिएको हो ।

पक्राउ पर्नेमा भारतको मधुबनी घर भएका १९ वर्षीय ऋषि नाथ मण्डल, २० वर्षीय ओम शंकर यादव र १९ वर्षीय आकाश कुमार मण्डल छन् ।

उनीहरू भारतीय नम्बरको एउटै मोटरसाइकलमा चढेर नेपाल तर्फ आउँदै गरेकोमा इलाका प्रहरी कार्यालय मिर्चैयाबाट खटिएको प्रहरीले मोटरसाइकलको पछाडि सवार आकाश मण्डलको साथबाट १ थान कटुवा पेस्तोल बरामद गरेको थियो ।

उनिहरु माथि आवश्यक अनुसन्धान भई रहेको प्रहरीले जानकारी दिएको छ ।