रास्वपाको अभियानबाट रविको पक्षमा ३२ लाख हस्ताक्षर र ५६ लाख रुपैयाँ सहयोग

२० साउन -काठमाडौँ, राष्ट्रिय स्वतन्त्र पार्टीको मंगलबार बसेको पार्टीको सचिवालय बैठकले टोल समन्वय समूह बनाई वडाभन्दा तल्लो स्तरमा रहेर अभ्यास गर्ने भएको छ।

पार्टीका प्रवक्ता मनिष झाले वडाभन्दा तल पनि आफ्नो पार्टीको संगठन विस्तार गर्ने उद्देश्यले टोल समन्वय समूहको परिकल्पना गरिएको बताए।

यस्तै, बैठकले रुपन्देही उपनिर्वाचनको लागि दल दर्ता गर्ने निर्णय गरेको छ। उनले केन्द्रीय समितिको बैठक साउन २३ गते दिउँसो १ बजे बस्ने निर्णयसमेत भएको झाले बताए।

पार्टीका प्रवक्ता मनिष झाले रास्वपाको अभियानबाट हालसम्म पार्टी सभापतिको पक्षमा ५६ लाख रुपैयाँ सहयोग र ३२ लाख हस्ताक्षर संकलन भएको जानकारी दिएका छन ।