सञ्जालहब
३१ असार- सुर्खेत, बाँके र जाजरकोटमा नक्कली नोट उत्पादन तथा लागूऔषध कारोबारमा संलग्न रहेको आरोपमा पाँच जनालाई पक्राउ पपरेका छन ।
प्रहरीले उनीहरूबाट करिब १३ लाख रूपैयाँ बराबरको नेपाली नक्कली नोट र ३० केजीभन्दा बढी अफिमजस्तो लाग्ने पदार्थ बरामद गरेको छ ।
सुर्खेतको वीरेन्द्रनगर नगरपालिका–१० स्थित शान्तिटोलमा सोमबार दिउँसो १ः३० बजे खटिएको प्रहरी टोलीले गोप्य सूचनाको आधारमा जाजरकोटको कुशे गाउँपालिका–५ की २२ वर्षीया दिलमाया सिंह ठकुरीलाई १,००० दरका ६ थान नक्कली नोटसहित पक्राउ गरेको हो ।
त्यसपछि अनुसन्धानको क्रममा दिलमाया सिंह र रामबहादुर सिंहको डेराबाट थप १,२३६ थान नक्कली नोट बरामद गरिएको थियो, जसको मूल्य १२ लाख ३६ हजार रूपैयाँ बराबर रहेको छ।
सोमबार राति, प्रहरीले कृष्णबहादुर वली र प्रेमबहादुर बिक लाई सुर्खेतको भेरीगंगा नगरपालिका(१२ स्थित डेराबाट पक्राउ गरेको हो । उनीहरूबाट ११ पोका अफिमजस्तो देखिने गिलो पदार्थ फेला परेको थियो, जसको तौल ११ किलो ३७२ ग्राम छ ।
सोमबार नै बाँकेको कोहलपुर नगरपालिका–११ स्थित न्युरोडमा सञ्चालित ‘जनगर्जन नेटवर्क प्रालि’ नामक मिडिया हाउस र त्यसैका सञ्चालक मनबहादुर सहकारीको कोठामा छापा मार्दा १,००० दरका ५१ थान नक्कली नोट, १९ किलो ३०० ग्राम लागुऔषध ९अफिमजस्तो देखिने० र नोट बनाउने उपकरण बरामद गरिएको छ ।
उनीहरूलाई लागूऔषध कारोबार, मुद्रा सम्बन्धी कसूर तथा संगठित अपराध अन्तर्गत कारबाही प्रक्रिया अघि बढाइएको प्रहरीले जनाएको छ।
प्रतिक्रिया दिनुहोस्