कुलिङ अफ पिरियड खसीको टाउको झुन्ड्याइ कुकूरको मासु बेच्ने सिस्टमः प्रचण्ड

१९ असार-काठमाडौं, निजामती कर्मचारी विधेयकमा गरिएको ‘कुलिङ अफ पिरियड’माथि भएको छेडखानीबारे नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले आफ्नो धारण राखेका छन । बिहीबार एक कार्यक्रममा बोल्दै संसदीय व्यवस्थामा यस्तै हुने भन्दै उनले यस्तो टिप्पणी गरेका हुन।

‘हामीले हिजो जनवादी क्रान्तिको कालमा मार्क्सवादको प्रचार गर्दा भन्थ्यौँ–संसदीय व्यवस्था खसीको टाउको झुन्ड्याउने र कुकूरको मासु बेच्ने सिस्टम हो भनेर खुब प्रचार गरिन्थ्यो,’ अहिले जे भइराख्या छ, समितिका प्रतिवेदनमाथि भएका छेडखानीहरू। त्यो त्यस्तै हो। देखाउँदा खेरी चाहिँ खसीको टाउको देखाइया छ लोकतन्त्र, बेच्दाखेरी कुकूरको मासु बेच्ने गरिएको छ भित्रभित्रै। त्यस्तै चिज चलिराखेकै छ।’ प्रचण्डले भने,

उनले आफ्नो नेतृत्वको सरकार हुँदा बढी मात्रामा आफूले समाजवादतिरै लैजान बल गरेको दाबी समेत गरे।