सञ्जालहब
३ असार- काठमाडौं, सोमबार सामाजिक संजालमा अलबिदा लेखेर सम्पर्कविहीन भएका रामेछाप अस्पतालमा कार्यरत डा. केशव श्रेष्ठले गृहमन्त्री रमेश लेखकलाई भेटेका छन्। मंगलबार बिहानै डाक्टर श्रेष्ठले परिवारसहित गएर मन्त्री लेखकलाई मन्त्रीक्वार्टर भैँसेपाटीमा भेट गरेका हुन।
भेटका क्रममा उनले आफूलाई कार्यक्षेत्रमा भएको असहयोगबारे बताएका थिए। सो क्रममा गृहमन्त्रीले जस्तोसुकै असहज अवस्थाको पनि सामना गरेर अघि बढ्न सुझाव दिँदै आत्मबल बलियो बनाएर अघि बढ्न सुझाव दिएका थिए।
डाक्टर श्रेष्ठले आफ्ना समस्याका बारेमा गृहमन्त्रालयले चाँसो राखिदिएकोमा धन्यवाद ज्ञापन गरेका थिए। उनले स्वास्थ्य मन्त्रालयअन्तर्गत रहेर काम गरिरहेका श्रेष्ठ प्रशासनिक अन्याय, मनोवैज्ञानिक दबाब र झुटा आरोपका कारण आफू आत्महत्या गर्न लागेको भन्दै सोमबार बिहानदेखि सम्पर्कविहीन भएका थिए।
नी सोमबार सामाजिक संजालमा अलबिदा लेखेर सम्पर्कविहीन भएकाले गृहमन्त्रालयको विज्ञ टोली र प्रहरीले बालाजु क्षेत्रबाट उद्धार गरेर परिवारको जिम्मा लगाएको थियो।
डाक्टर श्रेष्ठले आफूमाथि अमानवीय व्यवहार र अन्याय गरिएको निकै लामो पोस्ट फेसबुकमा लेखेका थिए । दुई वर्षभन्दा बढी समय रामेछाप जिल्ला अस्पतालमा काम गरेका उनी जेठ अन्तिम साता हेटौंडा सरुवा भएका थिए।
प्रतिक्रिया दिनुहोस्