टीकापुरमा एक युवकमाथि खुुकुरी प्रहार

१६ जेठ- कैलाली, टीकापुर नगरपालिका–१ का ३१ वर्षीय टेकेन्द्र सिंह विष्टमाथि बिहीवार दिउँसो घर नजिकैको क्याफेमा कफी पिइरहेका बेला खुकुरी प्रहार भएको प्रहरीले जनाएको छ। जिल्ला प्रहरी कार्यालयले खुकुरी प्रहारबाट घाइते भएका विष्टको टाउको र छातीमा चोट रहेको जानकारी दिएको छ। टीकापुरमा समान्य उपचारपछि विष्टलाई थप उपचारका लागि कोहलपुर मेडिकल कलेज पठाइएको छ।

विष्टले क्याफेमा कफी पिइरहेको अवस्थामा दुई जनाले उनीमाथि खुकुरी प्रहार गरेको बुझिएपनि उनीहरुको पहिचान भने भएको छैन। दुवै जनाको खोजी भइरहेको प्रहरीले जनाएको छ। घटनापछि कैलालीका प्रमुख प्रहरी उपरीक्षक९एसपी० बाल नरसिंह राणा आफैं अनुुसन्धानमा खटिएका छन्।