गाँउमा पसेको बाघ नियन्त्रणमा

१७ चैत- कञ्चनपुर, कञ्चनपुरको बेलौरी स्थित टेंढुवा गाउँ पसेको पाटेबाघलाई नियन्त्रणमा लिइएको छ।

शुक्लाफाँटा राष्ट्रिय निकुञ्ज, राष्ट्रिय प्रकति संरक्षण प्राविधिक र वनकर्मीसहितको टोलीले बाघलाई नियन्त्रणमा लिएको हो। शुक्रवार राति टेंढुवा गाउँ पसेर बाघले एक स्थानीयको बाच्छोलाई मारेको थियो। शनिवार गहुँबारीमा बसेको बाघ आइतवबार बिहान देखिएको थिएन।

शनिवार बसेको स्थानभन्दा केही पर गहुँमै फेला पारेर आज दिउँसो बाघलाई नियन्त्रणमा लिइएको डिभिजन वन कार्यालय कञ्चनपुरले बताएको छ। नियन्त्रण गरिएको बाघलाई शुक्लाफाँटा राष्ट्रिय निकुञ्जमा पठाइने छ। गाउँमा बाघ पसेपछि स्थानीय त्रसित बनेका थिए।