ओखलढुङ्गामा पहिरो जाँदा चार जनाको मृत्यु, २५ वटा भन्दा बढी घर बगायो

ओखलढुङ्गाको चम्पादेवी गाउँपालिका वडा नम्बर ८ गुरुङ बस्तीमा पहिरो जाँदा चार जनाको मृत्यु भएको छ भने २५ वटा भन्दा बढी घर बगाएको छ ।

गएराती एघार बजे गएको पहिरोमा परी २० भन्दा बढी चौपायासमेत बगाएको हो । स्थानीय अन्य दुई जना बलबहादुर गुरुङ र जरसिंह गुरुङको घर बगाए पनि परिवारका सदस्यहरु भागेर जोगिन सफल भएका छन । पहिरोले घर पुरिँदा स्थानीय ३६ वर्षका रणबहादुर गुरुङ र उनकी पत्नी वर्ष ३१ की शिवमाया गुरुङको मृत्यु भएको हो । त्यसैगरी उनका छोरा १० वर्षका दिनेश गुरुङ र १८ महिनाकी छोरी कृतिका गुरुङको पनि ज्यान गएको छ ।

पहिरो प्रभावित क्षेत्रमा रातीबाटै नेपाल प्रहरी र सशस्त्र प्रहरीले उद्धारको काम जारी राखेको छ । पहिरोले पु¥याएको क्षतिका विषयमा थप जानकारी आउन बाँकी रहेको छ ।।