गोरखामा बस दुर्घटना हुदाँ १२ जना घाइते

नारायणगढबाट आरुघाटतर्फ जाँदै गरेको यात्रुबाहक बस आज गोरखा नगरपालिका–८ ढुंगागाढेमा दुर्घटना हुदाँ १२ जना घाइते भएका छन् ।

नारायणगढबाट आरुघाटतर्फ जाँदै गरेको ना ५ ख ७२११ नम्बरको यात्रुबाहक बस आज बिहान ११ बजेतिर दुर्घटना हुँदा १२ जना यात्रु घाइते भएको र घाइतेमध्ये दुईजना गम्भीर रहेको प्रहरीले जनाएको छ । गम्भीर रहेका २ जनालाई चितवनको भरतपुर मेडिकल कजेलमा रिफर गरिएको डीएसपी लीलाराज लामिछानेले जानकारी दिनुभएको छ । यात्रुहरुमध्ये १० जनाको गोरखा अस्पतालमा उपचार भइरहेको डीएसपी लामिछानेले बताउनुभयो । बसको ब्रेक फेल भइ भित्तामा ठोक्किएर दुर्घटना भएको प्रहरीको प्रारम्भिक अनुसन्धानले देखाएको छ ।

बसमा १५ जना यात्रुहरु सवार रहेका थिए ।