कालिकोटमा स्टार्ट गरेर राखेको जिप पल्टिँदा दुई जनाको मृत्यु

कालिकोटमा आज विहान स्टार्ट गरेर राखेको जिप पल्टिँदा दुई जनाको मृत्यु भएको छ । एक जना घाइते भएका छन् ।

बसपार्कबाट जितेका लागि छुट्न लागेको ब १ च ४६४१ नम्बरको वोलेरो जिप रास्कोट नगरपालिका वडा नम्बर दुई सेरा बजारमा स्टार्ट गरेर राखेको जीप सडकबाट खसेर दुर्घटना भएको हो । दुर्घटनामा रास्कोट–१ लहरेलाका मनबहादुर शाही र उनकी श्रीमती मनकुमारी शाहीको मृत्यु भएको छ । मृतक शाही नेपाली कांग्रेसका वडा सभापति पनि हुन् । जिपमा रहेकी रिता सिँह गम्भीर घाइते भएकी छिन् । घाइतेको रास्कोट अस्पतालमा उपचार भइरहेको छ ।

चालकले गाडी स्टार्ट गरेर जुत्ता लगाउन गएका बेला गाडी खोलामा खसेको बताइएको छ ।।