सञ्जालहब
१२ मंसिर – कपिलवस्तु, स्कुलको कम्पाउन्डभित्रै भ्यानको ठक्करबाट बालकको मृत्यु भएको छ।
बाणगंगा नगरपालिका-५ कोपुवाका ७ वर्षीय प्रियान्स खनालको आफै पढ्ने स्कुलको भ्यानले ठक्कर दिएपछि मृत्यु भएको जिल्ला प्रहरी कार्यालय कपिलवस्तुले जनाएको छ।बाणगंगा नगरपालिका वडा नं। ४ सिद्धिपुरस्थित होराइजन इङ्लिस बोर्डिङ स्कुलमा कक्षा १ मा अध्ययनरत प्रियान्सलाई बिहीबार दिउँसो आफ्नै स्कुलको लु।प्र।०१–००१ क ०३६३ नम्बरको भ्यानले ठक्कर दिएको थियो।
दिउसो २ बजेतिर विद्यालय परिसरको चौरमा हिँडिरहेका प्रियान्सलाई भ्यानले ठक्कर दिएपछि विद्यालयले तत्काल उपचारको लागि भैरहवा स्थित युनिभर्सल कलेज अफ मेडिकल साइन्सेजमा उपचारको लागि लगेको थियो। भ्यानको ठक्करबाट अनुहार र पेटमा गम्भीर चोट लागेको थियो। भैरहवामा सामान्य उपचारपछि उनलाई थप उपचारको लागि चितवन मेडिकल कलेज भरतपुर रिफर गरिएको थियो। बिहीबार राती नै चितवन पुर्याइएका प्रियान्सलाई राति ११स्३८ बजे चितवन मेडिकल कलेजका चिकित्सकले मृत घोषणा गरेका थिए।
विद्यालय परिसरभित्रै सोही विद्यालयको भ्यानले विद्यार्थीलाई दिउँसो २ बजेतिर ठक्कर दिएको घटनाबारे प्रहरीलाई भने राती पौने ९ बजे मात्रै जानकारी गराइएको थियो। विद्यालयको गाडीको ठक्करबाट आफ्नै विद्यार्थी गम्भीर घाइते भई भैरहवाबाट चितवन रिफर भएपछि मेडिकल कलेजमा खटिएको प्रहरीले कपिलवस्तु प्रहरीलाई खबर गरेपछि बल्ल घटना सार्वजनिक भएको हो।घटनाबारे जानकारी पाउनासाथ बिहीबार राति नै घटनास्थलमा पुगेको प्रहरीले राति नै भ्यान र चालकलाई नियन्त्रणमा लिएको थियो।
अहिले भ्यान र चालक वाणगंगा नगरपालिका वडा नं। १ उप्टा बस्ने २६ वर्षीय विजय सारूलाई नियन्त्रणमा लिएर घटनाबारे थप अनुसन्धान गरिरहेको प्रहरी नायब उपरीक्षक सिंहले जानकारी दिए।
प्रतिक्रिया दिनुहोस्