सञ्जालहब
९ मंसिर -ललितपुर, ट्रकले ठक्कर दिँदा स्कुटर चालक महिलाको मृत्यु भएको छ । घटना ललितपुर महानगरपालिका–१३ कुसुन्तीहाइटस्थित रिङरोडमा मंगलबार बिहान पौने १० बजेतिर भएको हो ।
ना ६ ख ४९१७ नम्बरको ट्रकले बागमती प्रदेश–०२–०३२ प ४१७५ नम्बरको स्कुटरलाई ठक्कर दिएको थियो । ट्रकको ठक्करबाट स्कुटर चालक मोरङ घर भइ सितापाइला सिभिल होम बस्ने ३९ वर्षीया पावर्ता लुइँटेल गम्भीर घाइते भएकी थिइन् ।
उपचारका लागि पाटन अस्पताल पठाइएकोमा चिकित्सकले मृत घोषणा गरेको काठमाडौं उपत्यका ट्राफिक प्रहरी कार्यालय रामशाहपथले जानकारी दिएको छ । ट्रक चालक धादिङको धार्के गाउँपालिका–२ का २५ वर्षीय सनम तामाङलाई नियन्त्रणमा लिएरु जिल्ला प्रहरी परिसर ललितपुरमा राखिएको छ ।
प्रतिक्रिया दिनुहोस्