डुबेर आज दुई बालिकाको ज्यान गयो

७ असोज- सप्तरी, पोखरीमा डुबेर आज दुई बालिकाको ज्यान गएको छ । घटना सुरुङ्गा नगरपालिका–२ स्थित हर्दियाको हो ।

स्थानीय सुरेन्द्र चौधरीकी ७ वर्षीया छोरी सुस्तिका चौधरी र केशर चौधरीकी ११ वर्षीया छोरी आशकी चौधरीको पोखरीमा डुबेकम हुन । दुवै बालिकाको नुहाउने क्रममा पोखरीमा डुबेर मृत्यु भएको जिल्ला प्रहरी कार्यालयका प्रहरीले जानकारी दिएको छ ।

सो घटनाबारे स्थानीयले जानकारी गराएपछि स्थानीयवासीको सहयोगमा पोखरीबाट बालिकाहरुको शव निकालिएको छ । घटनाबारे थप अनुसन्धान भइरहेको प्रहरीले जनाएको छ ।