तिन स्थानमा डुबेर ३ जना बालबालिकाको मृत्यु

१५ भदौ – काठमाडौँ, डुबेर ३ जना बालबालिकाको मृत्यु भएको छ ।

कास्कीको पोखरा महानगरपालिका-१९ अकला बस्ने बागलुङ घर भएकी कल्पना पुनको छोरा ३ वर्षीय युनिक पुनको नालीले बगाएर शुक्रबार बेलुकी मृत्यु भएको छ । सोही ठाउँमा रहेको बाटोमा खेल्ने क्रममा अचानक नालीमा खसेर पानीले बगाई गम्भीर घाइते भएका उनको मातृशिशु अस्पताल बाटुलेचौरमा उपचारको क्रममा मृत्यु भएको छ ।

तेस्तै नवलपरासी पश्चिमको रामग्राम नगरपालिका-१४ अमरौट बस्ने हरिनारयण चौधरीकी छोरी २० महिनाकी अप्सरा चौधरीको घर नजिकै रहेको पोखरीमा डुबेर शनिबार साँझ मृत्यु भएको छ । डुबेर अशक्त भएकी उनको जिल्ला अस्पताल परासीमा उपचारको क्रममा मृत्यु भएको हो ।

यता, सिन्धुलीको गोलन्जोर गाउँपालिका-६ अर्चले बस्ने रबिन रम्तेलको २ वर्षीया प्रिन्सिका रम्तेलको आफ्नै घरको पानी ट्याङ्कीमा डुबेर शनिबार साँझ मृत्यु भएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।