सञ्जालहब
११ साउन- काठमाडौं, नक्कली सुन देखाई ठगी गरेको आरोपमा दुई जना पक्राउ परेका छन् । उनिहरुले करिब साढे २१ लाख रुपैयाँ ठगि गरेका छन ।
ठगी गर्नेमा सिन्धुपाल्चोकको बाह्रबिसे नगरपालिका–५ घर भएका २८ वर्षीय बुद्धिबहादुर तामाङ र नुवाकोटको मेगङ गाउँपालिका–८ घर भएका २२ वर्षीय सुमन तामाङ पक्राउ परेका छन् । उनीहरूलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।
नक्कली सुन देखाउदै उनीहरूले प्रति तोला १ लाख १० हजार रुपैयाँ दरले दिन्छु भन्दै दुई जनालाई ठगी गरेका छन ।
ओखलढुंगाका एक व्यक्तिलाई २५ फागुन २०८१ मा भक्तपुरको इबामोरा चोकमा बोलाई १२ लाख ठगी गरेको पाइएको छ।
त्यसैगरी २७ जेठ २०८२ मा दोलखाका अर्का व्यक्तिलाई भक्तपुरकै पान्डुबजारमा बोलाएरर ९ लाख ५० हजार रुपैयाँ लिएर ठगी गरेको पाइएको प्रहरीले बताएको छ ।
पक्राउ परेका दुवै जनालाई जिल्ला प्रहरी परिसर भक्तपुर पठाइएको छ । उनीहरूबाट ठगी गर्न प्रयोग गरिने एक किलो नक्कली सुन पनि बरामद भएको छ ।
प्रतिक्रिया दिनुहोस्