सञ्जालहब
१२ असार- काठमाडौं, टोखामा गएराति गाडीसहित बगेकी एक महिलाको प्रहरीले उद्धार गरेको छ ।
करिव राति १० बजेको समयमा काठमाडौंको टोखा नगरपालिका–६ ग्राण्डी अस्पताल पछाडि विष्णुमती खोला किनाराबाट बा प्र०१–०३१ च ६१४१ नम्बरको निजी कार खोलामा खसेको थियो ।
काठमाडौंको धुम्बाराही बस्ने अङ्कुश सिंहले चलाएको कारबाट भावना ओली गाडीसहित बगेकी थिइन् ।चालक खोला किनारामा हामफाल्न सफल भएका थिए भने गाडीभित्र सवार ओलीलाई खोलाले बगाएको थियो ।
बाँनियाटार पुलमा आइपुगेर गाडी अड्किएको अवस्थाबाट महिलाको उद्धार गरिएको प्रहरीले जानकारी दिएको छ । उनका अनुसार उद्धार गरिएकी महिला दाङ घर भई हाल टोखा बस्दै आएका थिए ।
उनलाई प्रहरीले स्थानीयको सहयोगमा उद्धार गरी उपचारका लागि ग्रिनसिटी अस्पताल पठाएको छ ।
क्रेनको सहायताले खोलाभित्र रहेको कारसमेत बाहिर निकाली प्रहरी प्रभाग नयाँ बसपार्कमा राखिएको प्रहरीले जनाएको छ ।
प्रतिक्रिया दिनुहोस्