कोठाभित्र मृ’त फेला परेकी युवतीको ह’त्या भएको खुलासा

९ असार- कैलाली, धनगढीमा कोठाभित्र मृत फेला परेकी युवतीको हत्या भएको खुलासा भएको छ ।

कञ्चनपुर पुनर्वास नगरपालिका–११, अमर बस्तीकी ३० वर्षीया रेणु चौधरीको घाँटीमा धारिलो हतियार प्रहार गरी हत्या गरिएको जिल्ला प्रहरी कार्यालय कैलालीले जनाएको छ।

उनी केही समयदेखि धनगढी उपमहानगरपालिका–२ मा कोठा भाडामा बस्दै आएकी थिइन्। मृतक चौधरीको घाँटीमा धारिलो हतियार प्रहार भएको र कन्चटमा पनि चोटपटक रहेको छ। हत्या भएको घटनाजस्तो देखिन्छ। अनुसन्धानका लागि तालिमप्राप्त कुकुरको समेत प्रयोग गरिएको छ। प्रहरीको भनाई रहेको छ’

मृतक चौधरी खानेपानी संस्थान, धनगढीमा कार्यालय सहयोगीका रूपमा कार्यरत थिइन्। प्रारम्भिक अनुसन्धान अनुसार उनी पछिल्ला दुई महिनादेखि एक युवकसँगै सो कोठामा बस्दै आएकी थिइन्। तर, उक्त युवकको परिचय खुलेको छैन। उनी फरार रहेका छन्। घटना केही दिन पहिलाको देखिएको छ। कोठामा बाहिरबाट ताला लगाएको अवस्थामा युवतीको शव भित्र फेला परेको हो।

घर धनीले गन्ध आएपछि प्रहरीमा खबर गरेका थिए।