ट्रकमा पछाडीबाट ठक्कर दिई मोटरसाइकल दुर्घटना हुँदा एक जनाको मृत्यु

१२ मंसिर-धरान, मोटरसाइकल दुर्घटना हुँदा एक जनाको मृत्यु भएको छ । घटना शुक्रबार बिहान धरान –८ तिनकुनेस्थित कोशी राजमार्गमा भएको हो ।

धरानबाट ईटहरीतर्फ जाँदैगरेको प्र १–०३–००१ प १३२४ नम्बरको मोटरसाइकलले प्र।१–०२–००१ ख ८७५७ नम्बरको रोडको साईडमा रोकी राखेको ट्रकमा पछाडीबाट ठक्कर दिई दुर्घटना भएको हो ।मोटरसाइकल चालक र मोटरसाइकलमा सवार रहेको दुवै जना घाइते भइ उपचारका लागि विपी कोइराला स्वास्थ्य विज्ञान प्रतिष्ठान घोपा धरान पठाइएको थियो ।

उपचारको क्रम्मा एक जनाको मृत्यु भएको अस्पतालले जानकारी गराएको छ । मृत्यु हुनेमा ईटहरी उपमहानगरपालिका –४ बस्ने मोटरसाइकल चालक २५ वर्षिय मन्जिल लिम्बु रहेका छन । मोटरसाइकलमा पछाडि सवार ईटहरी –५ बस्ने ३२ बर्षिय अमित राईको उपचार जारी छ ।

 

ट्रक र ट्रक चालक तेह्रथुम फेदाप बस्ने २७ वर्षिय गणेश भण्डारीलाई प्रहरीले नियन्त्रणमा लिएको जनाएको छ । मृतक मोटरसाइकल चालक लिम्बूको शव विपी प्रतिष्ठानको शव गृहमा राखिएको प्रहरीले जनाएको छ ।

प्रतिक्रिया दिनुहोस्