भीषण आगलागीमा कम्तीमा ९४ जनाको मृत्यु

१२ मंसिर- हङकङ, भीषण आगलागीमा कम्तीमा ९४ जनाको मृत्यु भएको छ भने अरू ७६ जना घाइते भएका छन् । अझै पनि करिब ३०० जना बेपत्ता रहेको पनि अनुमान छ ।


बुधबार ताई पो जिल्लाका अपार्टमेन्ट ब्लक्सका आठ भवनमध्ये सातमा आगो फैलिएको थियो । आगलागीको समयमा दूघर्टना स्थलमा कति जना थिए भन्ने कुरा अझै स्पष्ट भएको छैन । हालैका तथ्याङ्कहरूका अनुसार, यी आठ अपार्टमेन्ट ब्लक्समा ४ हजार ६०० जना बस्दै आएका थिए । आगलागी कसरी सुरु भयो भन्ने थाहा हुन सकेको छैन । भवनहरूको मर्मत सम्भार चलिरहेको अनि भवनका बाहिरी भागमा प्रयोग गरिएका सामग्रीहरू अग्निरोधी नभएकोले त्यहीबाट आगो भड्किएको प्रहरीले बताएको छ । हङकङका अधिकारीले आगो अब नियन्त्रणमा आएको बताएका छन् ।

प्रतिक्रिया दिनुहोस्