महेश बस्नेतविरुद्ध सुर्खेतमा पनि प्रदर्शन

९ मंसिर- सुर्खेत, एमाले नेता महेश बस्नेतविरुद्ध एक समूहले प्रदर्शन गरेको छ । उनि विरुद्द सुर्खेतको वीरेन्द्रनगरमा प्रदर्शन भएको छ ।

बिहान ९ बजेतिर नेता बस्नेत बिमानस्थल पुगे लगत्तै नाराबाजी हुन थालेको थियो । पार्टीको भातृ संगठन राष्ट्रिय युवा संघको जागरण अभियानमा सहभागी हुन मंगलबार बिहान सुर्खेत पुगेका नेता बस्नेतविरुद्ध युवाहरुको समूह नाराबाजी गर्दै प्रदर्शनमा उत्रिएको हो । जिल्ला समन्वय समितिको हलमा आयोजित युवा संघको कार्यक्रमलाई सम्बोधन गर्न नेता बस्नेतसहित एमाले उपमहासचिव प्रदीप ज्ञवाली, युवा संघका अध्यक्ष क्षितिज थेबे, वकिल बमलगायत नेताहरु सुर्खेत पुगेका छन् ।

जिसस हलमा युवा संघको कार्यक्रम चलेको छ भने वीरेन्द्रनगर नगरपालिका अगाडि नाराबाजी भइरहेको छ ।एमालेले पनि युवाको ठूलो समूह भेला गराएको छ भने स्थानीय प्रशासनले बाहिर बाक्लो संख्यामा सुरक्षाकर्मी परिचालन गरेको छ ।