भीषण सडक दुर्घटनामा ४२ जना भारतीय नागरिकको मृत्यु

१ मंसिर- साउदी अरब, भीषण सडक दुर्घटनामा ४२ जना भारतीय नागरिकको मृत्यु भएको छ। घटना सोमबार राति भएको हो ।

मक्काबाट मदिना जाँदै गरेको बस डिजेल बोकेको ट्याङ्करसँग ठोक्किएर आगलागी भएको हो। मृतकहरूमा २० महिला र ११ बालबालिका रहेका छन्।दुर्घटनामा बसका चालक मात्र जीवितू रहेका छन्। दुर्घटनामा ज्यान गुमाउने अधिकांश यात्रु भारतको हैदरावादका रहेका छन। दुर्घटना मदिनाबाट करिब १६० किलोमिटर टाढा मुहरास भन्ने स्थानमा भारतीय समयअनुसार राति करिब साढे १ बजे भएको हो। दुर्घटना हुँदा अधिकांश यात्रुहरू निदाइरहेकाले उनीहरूले भागेर ज्यान बचाउने मौका पाएनन्।

-एजेन्सी