कञ्चनपुरमा १५० छाउगोठ भत्काइए

१३ असोज- कञ्चनपुर, हालसम्म कञ्चनपुरका दुई पालिकामा १५० छाउगोठ भत्काइएका छन्।

बेदकोट नगरपालिकामा २३ र कृष्णपुर नगरपालिकामा १२७ छाउगोठ भत्काइएका छन। प्रहरी, महिला स्वास्थ्य स्वयंसेविका र स्थानीय पालिकाको समन्वयमा संयुक्त रूपमा छाउगोठ भत्काइएको छ। कृष्णपुर–१ निगालीकी करिब ३२ वर्षीया कमला आउजीको असार अन्तिम साता छाउगोठमै सर्पले टोकेर मृत्यु भएपछि पालिकाले तत्काल अभियान सुरु गरेको थियो।