सञ्जालहब
६ असोज- काठमाडौं, चाडपर्व नजिकीदै गर्दा राजधानीबाट घर फर्किने यात्रुको चाप बढ्दै गएको छ। पछिल्ला केही दिनमै काठमाडौँ उपत्यकाबाट एक लाख ८९ हजार २१८ यात्रु बाहिरिएका छन्।
असोज १ गतेदेखि ५ गतेसम्म २९ हजार ३६० सार्वजनिक सवारीमार्फत यात्रुहरु वाहिरीएका छन उपत्यकामा अध्ययन, रोजगारी र व्यवसायका क्रममा बसोबास गर्दै आएका सर्वसाधारण चाडपर्व मनाउन क्रमशः थानकोट, साँगा, दक्षिणकाली र बालाजु नाकामार्फत घरतर्फ गएका छन।
कार्यालयको तथ्यांक अनुसार असोज १ गते ३४ हजार ५५६, असोज २ गते ३६ हजार १००, असोज ३ गते ४० हजार ५५५, असोज ४ गते ३४ हजार ८७९ र असोज ५ गते ४३ हजार १२४ यात्रु उपत्यकाबाट बाहिरिएका छन्। गोंगबुस्थित नयाँ बसपार्कमा पनि यात्रुको चाप बढ्दो रहेको छ। नयाँ बसपार्कमा सामान्य दिनमा चार–पाँच हजारजति यात्रु बाहिरिने गरेकामा हाल दैनिक १५ हजारभन्दा बढी यात्रु नयाँ बसपार्कमार्फत उपत्यकाबाट बाहिरिँदैछन्।
प्रतिक्रिया दिनुहोस्