सञ्जालहब
१८ भदौ- काठमाडौं, माइक्रो बसको ठक्करबाट दुई जना बालबालिका घाइते भएका छन् ।घटना काठमाडौंको पुतलीसडकमा भएको हो ।
पद्मोदय मोडबाट कमलादी तर्फ जाँदै गरेको बागमती प्रदेश–०१–००२ ज ८३२२ नम्बरको माइक्रो बसले सडक पार गर्दै गरेका बालबालिकालाई ठक्कर दिएको उपत्यका ट्राफिक प्रहरी कार्यालयले जानकारी दिएको छ । दुर्घटनामा ९ वर्षीय विवेक तामाङ र धनकुटाको छिन्ताङ–१ घर भएकी ५ वर्षीय आशिका राई घाइते भएका छन् ।
विवेक तामाङको अवस्था गम्भीर भएका कारण उनको अन्नपूर्ण न्युरो अस्पतालमा भेन्टिलेटरमा उपचार हुँदै छ । आशिकाको काठमाडौँ मोडल अस्पतालमा उपचार भइरहेको छ । माइक्रो चालक सिन्धुपाल्चोक घर भएका २९ वर्षीय रामहरि विष्टलाई प्रहरीले पक्राउ गरेको छ ।
प्रतिक्रिया दिनुहोस्