सञ्जालहब
१५ भदौ- काठमाडौँ, सशस्त्र प्रहरी बलकी एकजना जवान आफ्नो कोठामै मृत भेटिएकी छन् ।
काठमाडौँको सीतापाइलास्थित कुमारी टोलको कोठामा आइतबार बिहान पौने १० बजेको समयमा सशस्त्र प्रहरी जवान २४ वर्षीया भावना चन्द मृत भेटिएकी हुन ।
उनी कोठामा सलको पासो लगाई झुण्डिएको अवस्थामा मृत भेटिएकी हुन् । सशस्त्र प्रहरी बलको खेलकुद शिक्षालय प्रधान कार्यालयमा कार्यरत उनी सशस्त्र प्रहरीकी कुस्ती खेलाडी थिइन ।
बैतडीको पञ्चेश्वर गाउँपालिका-३ निवासी उनी सीतापाइलास्थित डेरामै मृत भेटिएपछि प्रहरी बताएको छ । उनले आत्महत्या गर्नुको कारणबारे अहिलेसम्म केही खुलेको छैन । जिल्ला प्रहरी परिसर काठमाडौँका अनुसार उनको शव आइतबार नै पोस्टमार्टमका लागि त्रिवि शिक्षण अस्पताल महाराजगञ्जमा राखिएको छ ।
प्रतिक्रिया दिनुहोस्