१५ महिने बालिका बलात्कृत, ५९ वर्षीय पक्राउ

५ भदौ- काठमाडौँ,  १५ महिने बालिका बलात्कृत भएकी छन् । घटना कागेश्वरी मनोहरा नगरपालिका–८ स्थित गोठाटारको हो ।

बलात्कार आरोपमा ५९ वर्षीय राजकुमार गोलेलाई प्रहरीले पक्राउ गरेको छ ।उनको घर मकवानपुरको भिमफेदी गाउँपालिका वडा नम्बर–८ घर भएको जिल्ला प्रहरी परिसर काठमाडौँले जनाएको छ ।

पीडित बालिका उनकी २८ वर्षीया आमासँग गोठाटारमा डेरामा बस्थिन् । गोठाटारमा बस्दै आएका गोलेले ती बालिकालाई आफ्नो डेरामा लगेर भदौ २ मा जबरजस्ती करणी गरेको प्रहरीले बताएको छ ।