३ किलो गाँजासहित एक जना पक्राउ

४ भदौ- रौतहट, प्रहरीले गाँजासहित एक जनालाई नियन्त्रणमा लिएको छ । गाँजासहित प्रहरीले रौतहटको गुजरा नगरपालिका–२ बाट पक्राउ गरेको हो ।

पक्राउ पर्नेमा गुजरा–२ निवासी ५५ वर्षीय गोपालबहादुर थिङ रहेका छन ।

थिङले आफ्नै घरमा लागूऔषध गाँजा खरिद–बिक्री गर्दै आएको भन्ने गोप्य सूचनाको आधारमा प्रहरी चौकी रंगपुर र इलाका प्रहरी चन्द्रनिगाहपुरबाट खटिएको संयुक्त टोलीले खानतलासी गर्दा उनको घर खानतलासी गर्दा कोठामा लुकाइराखेको करिब साढे ३ किलो गाँजा बरामद गरेको प्रहरीले जनाएको छ । सोही क्रममा प्रहरीले ७८ हजार नेपाली रुपैयाँ र ६ सय १० भारतीय रुपैयाँ पनि फेला पारेको छ ।

पक्राउ परेका थिङलाई थप अनुसन्धानका लागि इलाका प्रहरी कार्यालय चन्द्रनिगाहपुरमा राखी अनुसन्धान भइरहेको प्रहरीले जनाएको छ । गाँजा उनले कहाँबाट ल्याएका हुन् भन्नेबारे अनुसन्धान भइरहेको प्रहरीले जनाएको छ ।