सञ्जालहब
२ भदौ- पोखरा, बाटोको मुद्दा जित्न २ लाख रुपैयाँ घुस लेनदेन गरेको आरोपमा दुई जनाविरुद्ध विशेष अदालतमा भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले घुस दिने र लिने विरुद्ध मुद्दा दायर गराएको हो ।
पोखरा–२६ मा रहेको बाटोको विषयमा न्यायिक समितिमा विचाराधीन मुद्दामा आफ्नो पक्षमा फैसला गराउने उद्देश्यले घुस लेनदेन भएको भन्ने उजुरी अख्तियारमा परेको थियो। छानबिनका क्रममा मुद्दाका निवेदक रविन कुमार श्रेष्ठले उक्त मुद्दा आफ्नो पक्षमा पार्न तत्कालीन न्यायिक समितिकी सदस्य भावना श्रेष्ठलाई २ लाख रुपैयाँ घुस दिएको प्रमाण फेला परेको हो। भावना श्रेष्ठ पोखरा महानगरपालिका वडा नं। ९ की वडा सदस्य समेत हुन्।
यस घुस लेनदेन प्रकरणमा संलग्न दुबैजनाविरुद्ध अख्तियारले आज काठमाडौंस्थित विशेष अदालतमा भ्रष्टाचार मुद्दा दर्ता गरेको हो।
प्रतिक्रिया दिनुहोस्