बिहीबार डुङ्गा दुर्घटना हुँदा कम्तीमा २७ जना आप्रवासीको मृत्यु

२९ साउन- इटाली, टापु लाम्पेडुसाको तटमा बिहीबार डुङ्गा दुर्घटना हुँदा कम्तीमा २७ जना आप्रवासी तथा शरणार्थीहरूको मृत्यु भएको छ।

हाल भग्नावशेषबाट जीवित मानिसहरूको उद्धार भईहेको छ ।

करिब ९५ जना लिबियाबाट दुई डुङ्गामा गएको तर एउटा जहाज डुब्न थालेपछि सबै यात्रुहरू अर्को डुङ्गामा चढ्दा अत्यधिक भारका कारण डुङ्गा पल्टिएको थियो । दुर्घटनामा परेर बाँचेका ६० जना व्यक्तिहरूलाई उद्धार गरिएको तथा ३५ जना बेपत्ता भएको आशङ्का गरिएको छ ।