१० वर्षीया बालिकाको शवलाई र्जीवित गर्न चिहानबाट निकालियो

२२ साउन- भारत, उत्तर प्रदेशस्थित कुशीनगरमा एक १० वर्षीया बालिकाको शवलाई पुनर्जीवित गर्ने उद्देश्यले चिहानबाट निकालिएको छ ।

भारतिय प्रहरीले यस घटनामा संलग्न भएको आरोपमा बालिकाकी आमासहित चार जनालाई पक्राउ गरेको छ ।

एक बालिकाको मृत्युपछि उनलाई जुलाई १८ मा गाडिएको थियो । तर जुलाई २१ मा उनको शव चिहानबाट रहस्यमय ढंगले गायब भयो । चिहान खाली देखेपछि स्थानीयले प्रहरीलाई खबर गरेका थिए । प्रहरीले अनुसन्धान गर्दा चिहानबाट करिब १०० मिटर टाढा एक सुनसान टावर नजिकको झाडीमा बालिकाको शव फेला पारेको थियो । शवको नजिकै एउटा साडी र बुर्का पनि भेटिएको थियो, जसले घटनामा तन्त्रमन्त्र भएको खुलेको हो । अनुसन्धानबाट खुलेअनुसार बालिकालाई जिउँदो बनाउने उद्देश्यले उनको शव चिहानबाट निकालिएको थियो ।

प्रहरीले यस घटनामा संलग्न बालिकाकी आमा जुबैदा खातुन, उनकी बहिनी ९बालिकाकी सानीआमा० सुबैदा, सुगनु खान र तबारकलाई पक्राउ गरेको छ । आरोपीहरूले शवलाई चिहानबाट निकालेर तन्त्रक्रिया गर्ने प्रयास गरेका थिए । तर पक्राउ पर्ने डरले उनीहरूले शवलाई झाडीमा फालेर भागेका थिए ।

बालिकालाई जिउँदो बनाउने अन्धविश्वासमा परेर उनकी आमाले नै यो कार्य गरेकी स्थानीयले बताए । पक्राउ परेकाहरूमाथि थप अनुसन्धान भइरहेको प्रहरीले जनाएको छ ।