भारत दुर्घटनामा तीन सैनिकको मृत्यु, १५ सैनिक घाइते

२२ साउन- भारत, जम्मू कश्मीरको उधमपुर जिल्लामा बिहीबार केन्द्रीय रिजर्भ पुलिस बल (सीआरपीएफ) को एउटा गाडी सडकबाट चिप्लिएर नालीमा खसेको छ। यो घटना बिहान १०ः३० बजे कडवा क्षेत्रमा भएको थियो।

यस दुर्घटनामा तीन सीआरपीएफ सैनिकको मृत्यु भएको छ भने अन्य १५ सैनिक घाइते भएको समाचार एजेन्सी पीटीआईले जनाएको छ। १८७ औं बटालियनका सिपाहीहरू बसन्तगढमा अपरेसनबाट फर्किरहेका थिए ।

दुर्घटना भएको गाडीमा २३ जना सवार थिए।