चिप्लिएर लड्दा एक महिलाको मृत्यु, एकजनाको उपचार हुँदै

१९ साउन – काठमाडौँ, सुन्दरीजलमा चिप्लिएर लड्दा एक जना महिलाको मृत्यु भएको छ । बोलबम हिँडेकी महिला चितवन घर भएर कपन बस्दै आएकी ३५ वर्षीया सन्ध्या धामी रहेकि छन् ।

आइतबार राति लडेपछि उनलाई उद्धार गरेर जोरपाटी स्थित नेपाल मेडिकल कलेजमा लगिएको प्रहरीको भनाइ रहेका छ ।

राति १ बजेर ३५ मिनेटमा उनी आफ्ना साथीहरूसँग गोकर्णेश्वर नगरपालिका–१ स्थित सुन्दरीमाई मन्दिरमा बोलबममा गएकी बेला उनी चिप्लिएर खोलामा डुबेकी थिइन् । उनको शव पोस्टमार्टमका लागी त्रिवि शिक्षण अस्पतालमा पठाइएको छ ।

उनीसँगै लडेकी अर्की एक जना महिलाको उपचार हुँदैछ ।